Март ойида Ўзбекистонда поездга чипталарни Visa картаси орқали сотиб олиш мумкин бўлиши, «Ўзбекистон темир йўллари» ўз сайтида тўлов тизимини интеграциялаш ишларини бошлагани хабар берилган эди. Энди эса лойиҳа деярли тайёр бўлгани ва компания «Ипак Йўли» банки билан ҳамкорликда Visa карталари орқали чет эл валютасида тўловларни қабул қилиш бўйича синов лойиҳасини ишга тушираётгани маълум бўлди, деб ёзади Spot.
«Тизим синов режимида ишга туширилгани сабабли ишлатилмаган электрон йўл ҳужжатлари (чипталар)ни қайтариш фақат ‘Ўзбекистон темир йўллари’ АЖ кассаларида амалга оширилади», — дейилади хабарда.
Изоҳ (0)