Алишер Усмонов ўз активларини Россия юрисдикциясига ўтказиш жараёнини якунламоқда

Кипрнинг «‘Металлоинвест’ ХК» АЖ, «МегаФон» ОАЖ акциялари назорат пакети ва бошқа активларга билвосита эгалик қилувчи USM Holdings Limited холдинг компанияси ва унинг бенефициар эгалари активларни деофшоризация қилиш ва USM гуруҳига бенефициар эгаликни Россия юрисдикциясига ўтказиш жараёнини якунламоқда. Бу ҳақда «Коммерсантъ» хабар берди.

Давом этаётган корпоратив реструктуризация доирасида USM гуруҳининг барча асосий активлари қайта ташкил этилган «ЮэСэМ холдинг компанияси» МЧЖ Россия холдинг компаниясига USM Holdings Limited’нинг энг йирик бенефициарлари — Алишер Усмонов (49%) ва Владимир Скоч (30%)нинг бевосита иштирокида ўтказилади. Хусусан, айни кунгача «ЮэСэМ холдинг компанияси» МЧЖга «‘Металлоинвест’ ХК» АЖнинг 100% акцияларига ва «МегаФон» ОАЖнинг 56,32% акцияларига эгалик қилувчи компанияларнинг 100 фоиз улушини ўтказиш ҳақидаги ҳужжатлар имзоланган.

Ушбу корпоратив хатти-ҳаракатлар натижасида USM гуруҳи компанияларига эгалик ва активларни Россия юрисдиксиясига ўтказиш жараёни якунланади.

USM директорлар кенгаши аъзоси Иван Стрешинскийнинг айтишича, олиб борилаётган реструктуризация Россияда эълон қилинган маҳаллий иқтисодиётни деофшоризация қилиш йўналишини амалга оширишга қаратилган.