Грецияда авж олган ўрмон ёнғинлари, охирги маълумотларга кўра, 74 кишининг ҳалок бўлишига олиб келди. Бу ҳақда 24 июль, сешанба куни ёнғин хизмати маълумотига таяниб, Европа ОАВлари хабар бермоқда, деб ёзади «Корреспондент.net».
Ёнғин хизмати маълумотига кўра, ҳалок бўлганлар сони Мати шаҳрида анча ошган. Бугун тонгда у ерда маҳаллий қовоқхона яқинидаги далада ўнлаб қурбонлар топилганлиги ҳақида хабар қилинган эди. Кейинроқ 11 нафар ҳалок бўлган одамнинг жасади топилди.
Бундан ташқари, яна 100 га яқин одам бедарак йўқолган деб ҳисобланмоқда.
Ёнғинлар оқибатида жабрланганлардан 164 нафари ёши катта инсонлар, 71 киши эса ҳамон шифохоналарда қолмоқда. Шунингдек, 23 нафар бола жабрланган, улардан 12 нафари шифохонада.
Греция пойтахти чекка ҳудудларидаги ёнғинларга қарши курашишга юзлаб ўт ўчирувчилар жалб қилинган.
Греция денгиз чегарачилари 700 дан ортиқ одамни маҳаллий пляжлардан эвакуация қилган. Одамлар олов ва тутундан қутулиш учун пляжларга қочган.
Изоҳ (0)