UMS мобил оператори корпоратив мижозлар учун «Бизнес-хушомад»акциясини ўтказмоқда. Акция бўйича ҳар бир янги уланган рақамга бепул бонус – 6 ой давомида ҳар ой 2000 МБ тақдим этилмоқда.
Ўзбекистоннинг замонавий ривожланиш шароитида бизнесни ривожлантириш учун мобил алоқа катта аҳамият касб этади. Бу юзлаб ва минглаб ишчиларга эга корхоналарга ҳам, оилавий бизнесни йўлга қўйганларга ҳам тенг таалуқли.
Корпоратив мобил алоқа иш бўйича барча масалаларни тезкорлик билан ҳал қилишга, мижозларни сақлаб қолиш ва сафини кенгайтиришга, вақт ва пулни тежашга, доимий алоқада бўлишга хизмат қилади.
Бундай алоқа юридик шахсларга айниқса қўл келади – у жамоани жипслаштириш ва унинг ҳар бир аъзоси интилувчанлигини оширишга ёрдам беради.
Корпоратив мобил алоқа умумий иш, умумий қадриятларга дахлдорлик ҳиссиётини уйғотади. У ёки бу ходимнинг мобил алоқага (дақиқалар, интернет, қўшимча хизматлар ва ҳ.к.) лимити бўлиши ва нуфузи, лавозими ошгани сайин бу лимитларни кўпайиб бориши уни самаралироқ ишлашга, яхшироқ натижаларни кўрсатишга ундайди.
Буларнинг барчасини инобатга олган ҳолда корпоратив мижозлар ҳар томонлама ишончли уяли алоқа операторларига мурожаат қилишни афзал кўради. UMS компанияси уларнинг яқин ёрдамчиси сифатида доимий тарзда эксклюзив таклифларни жорий қилиб келмоқда.
Ҳусусан, куни-кеча оператор «Бизнес-хушомад» акцияси бошланганлигини эълон қилди. Унинг шартларига кўра, UMS нинг янги ва амалдаги корпоратив мижозлари янги рақамлар улашса, совға тариқасида ҳар бир рақамга 6 ой давомида 2000 МБ дан белгиланиб боради.
Мегабайтларни қўлга киритиш учун «Corporate 777», «Corporate Maxi», «Corporate Ultra» ёки «Corporate Perfect» тариф режаларидан бирига уланиш керак. Юридик шахслар ва якка тартибдаги тадбиркорлар бу таклифдан 2018 йилнинг 18 октябрига қадар фойдаланишлари мумкин. Бунинг учун улар Ўзбекистон бўйлаб UMS га қарашли офисларга мурожаат қилишлари ва рақамларни улаш учун керакли ҳужжатларни тақдим этишлари керак.
Акция бўйича бонуслар рақамлар уланган пайтдаёқ белгиланади.
«Янги акция UMS корпоратив мижозига айланиш ва келгусида қулай хизматлардан фойдаланиш имконини беради», — дея изоҳ беради UMS МЧЖ Муҳим клиентлар билан ишлаш департаменти директори Андрей Сай.
Корпоратив мижознинг эҳтиёжидан келиб чиқиб, шахсий тариф режалар ва чегирмаларни тақдим этишимиз мумкин. Бундан ташқари, ҳар бир корпоратив мижозга алоҳида хизмат кўрсатилади, ва у ўзига қулай тарзда барча мобил алоқа хизматларидан фойдалана олади. UMS корпоратив мижозлари нафақат корпоратив гуруҳ ичида, балки UMS нинг бошқа барча абонентлари билан ҳам бепул суҳбатлаша олиши эътиборга лойиқ. Бунинг учун бор-йўғи 4210,35 сўмга «Super 0» хизматини ёқиши керак. Бундан бошқа ҳеч қандай тўловлар мавжуд эмас.
UMS корпоратив мижозлари учун яна бир эътиборга лойиқ хизмат «Чексиз», деб номланади ҳамда Интернетдан фойдаланиш ва қўнғироқ қилишда маблағларни тежашда қўл келади. Масалан, корпоратив рақам тариф режаси бўйича мегабайтлар якунланаётган бўлса ва Интернет-тўплам фаоллаштирилмаган бўлса, ушбу хизмат автоматик тарзда ишга тушади. Абонент қанча кўп Интернетдан фойдаланса, шунча кўп маблағ тежайди. Ҳудди шундай қулайлик қўнғироқлар учун ҳам амал қилади. Бу ва бошқа кўплаб таклифлар, сифатли алоқа ва Интернет UMS корпоратив мижозларига ҳақиқий корпоратив мобил алоқанинг устунликларини намоён қилиб бера олади.
UMS компанияси ҳақида:
«Universal Mobile Systems» МЧЖ компанияси – 4G LTE, UMTS ва GSM стандартларида мобил алоқа ва мобил Интернетдан фойдаланиш хизматларини кўрсатувчи Ўзбекистон телекоммуникация корхонаси. Компания 2014 йилнинг 1 декабрида тижорий фаолият бошлаган.
Компания таъсисчиси – Ўзбекистон Республикаси Ахборот технологиялари ва коммуникацияларини ривожлантириш вазирлиги қошидаги «Радиоалоқа, радиоэшиттириш ва телевидение» ДУК.
Изоҳ (0)