Бугун,

  • USD 10940.05
  • RUB 182.26
  • EUR 11121.65

22 июль куни тонгда профессионал рингда фаолият олиб бораётган ўзбекистонлик боксчи Баҳодир Жалолов АҚШда ўзининг навбатдаги жангини ўтказади.

Фото: МОҚ

Фото: МОҚ

Ушбу жангда супероғир вазнли Баҳодирга америкалик Куртис Хид рақиблик қилади, деб хабар беради МОҚ матбуот хизмати.

Хид бунгача профессионал боксда олтита жанг ўтказган ва уларнинг тўрттасида ғалаба қозонган (3 таси нокаут билан). Иккита жангда эса мағлубиятга учраган. Баҳодир эса проф рингдаги дебютини май ойида нишонлаган ва ўшанда мексикалик Уго Трухилони техник нокаут эвазига мағлуб этганди.

«Жангга тайёргарлик юқори савияда ташкил этилди. Ишонч билан айта оламанки, баҳсга тайёрман. Рингга фақат битта мақсад билан чиқаман – ғалаба қозониш! Ўзбекистон байроғини юқори кўтариб, юртдошларимизни хурсанд қилмоқчиман», – деди Жалолов.

Изоҳ
Асосий янгиликлар