Бугун, 19 июль санасида футбол бўйича Ўзбекистон Pepsi Суперлигасининг 17-тур учрашувлари давом эттирилди. Кун тақвимидан одатга кўра уч учрашув ўрин олганди. Уларнинг барчаси якунига етди.
Куннинг дастлабки ўйини Бекободда мезбон «Металлург» ҳамда Тошкентнинг «Бунёдкор» жамоалари ўртасида кечди.
Учрашувда ҳисоб «қалдирғочлар» томонидан очилди. 33-дақиқада Муроджон Тошматов мезбонлар дарвозасини ишғол қилди. «Металлург» эса бу голга иккинчи бўлимнинг 51-дақиқасида Шаҳзод Шаймановнинг голи орқали жавоб берди. Ўйин шу тариқа томонларнинг 1:1 ҳисобидаги дуранг натижаси билан якунланди.
Иккинчи учрашувда эса «Бухоро» ўз майдонида Фарғонанинг «Нефтчи» жамоасини қабул қилиб, голсиз дурангга рози бўлди.
Турнинг сўнгги ўйини эса Наманганда мезбон «Навбаҳор» ҳамда Жиззахнинг «Сўғдиёна» жамоалари ўртасида бўлиб ўтди. Учрашув тақдири биринчи бўлим сўнгги дақиқаларидаёқ ҳал бўлди. Наманганликлар 41 ҳамда 45-дақиқада Дарко Станоевич ҳамда Сардор Сулаймоновнинг голлари сабаб «Сўғдиёна»ни мағлуб этиб, 3 очкони қўлга киритди.
Шу тариқа 17-тур ўйинлари ҳам якунланди.
Pepsi Суперлига
17-тур беллашувлари
19 июль, пайшанба
«Металлург» — «Бунёдкор» 1:1
Голлар: 0:1—33 Муроджон Тошматов, 1:1—51 Шаҳзод Шайманов.«Бухоро» — «Нефтчи» 0:0
«Навбаҳор» — «Сўғдиёна» 2:0
Голлар: 1:0—41 Дарко Станоевич, 2:0—45 Сардор Сулаймонов.18 июль, чоршанба
Изоҳ (0)