«Штутгарт» ҳамда Франция терма жамоаси ҳимоячиси Бенжамен Павар «Бавария»га ўтиши маълум бўлди.
Мюнхенликлар футболчи билан ЖЧ—2018 вақтида шартнома имзолаш борасида келишувга эришган. Аммо мундиал вақтидаги келишув фақат бир йилдан сўнг амалга ошар эди. Сабаби ўшанда Паварни шартномасидаги кўрсатилган 35 миллион евро товон пули эвазига сотиб олиш мумкин бўларди.
Аммо Паварнинг Россия майдонларидаги омадли иштироки «Бавария» раҳбарияти оромини ўғирлаб қўйган кўринади. Шу боисдан ҳам мюнхенлик бу трансферни шу йил ёздаёқ амалга оширади. Тез орада трансфер эълон қилиниши кутилмоқда.
Аввалроқ футболчига ПСЖ, «Тоттенҳэм», «Атлетико Мадрид» каби клублар ҳам даъвогарлик қилаётган эди.
Изоҳ (0)