АҚШ президенти Дональд Трампнинг маълум қилишича, Google компаниясини 4,34 миллиард евро жаримага тортган Европа Иттифоқи АҚШдан устун келди, бироқ бу устунлик узоққа чўзилмайди. Бу ҳақда «РИА Новости» хабар берди.
«Мен сизга айтгандим! Европа Иттифоқи ҳозиргина бизнинг ажойиб компанияларимиздан бирини беш миллиард доллар жаримага тортди. Улар ҳақиқатда АҚШдан устун келди, бироқ узоқ муддатга эмас», — деб ёзган Дональд Трамп ўзининг Twitter’даги саҳифасида.
Аввалроқ Еврокомиссия Google компаниясини монополияга қарши қоидаларни бузганлик учун 4,34 миллиард евро жаримага тортган эди.
Изоҳ (0)