Ҳиндистоннинг Metric Ventures компанияси таъсисчи-директори Рашми Ранжан билан Бухоро вилоят ҳокими Ўктам Барноев ўртасида тўрт юлдузли меҳмонхона қурилиши масаласида учрашув бўлиб ўтди. Бу ҳақда Туризмни ривожлантириш давлат қўмитаси хабар бермоқда.
Меҳмонхона барча талабларга жавоб бериши ҳамда тўлиқ чет эл капитали асосида қурилиши белгиланган. Унинг учун Бухоро шаҳрининг «Ситораи Моҳи-Хосса» кўчасидан 1,75 гектар ер майдони ажратилди.
Мазкур компания Бухородан ташқари Самарқанд ва Тошкентда меҳмонхоналар, бошқа вилоятларда эса 1000 гектаргача бўлган майдонда интенсив боғлар қуришни ҳам режалаштиришган.
Изоҳ (0)