Инҳа университетида ОАВ экспертлар гуруҳи абитуриентлар билан юзма-юз суҳбат қилиб, уларни кўрсатилган меъёрлар бўйича баҳолаб бормоқда. Журналистлар суҳбатидан аъло баҳо олиб чиққан абитуриентларнинг айримларини университет ректори Шерзод Қудратхўжаев қайта имтиҳон қилди, деб ёзади ЎзА.
Қудратхўжаев 21 балл олган абитуриентни қайта савол-жавоб қилгач, унинг билимига ишонч ҳосил қилди ва унинг билимини 24 баллга баҳолади.
Имтиҳонлар очиқ эшиклар, видеокамералар назоратида ўтмоқда. Кузатишни истаган журналистларга тўсқинлик йўқ.
Инҳа Университетининг кириш залида абитуриентларнинг ота-оналари кондиционерли салқин шароитда фарзандларининг имтиҳон топшириш жараёнини кузатиб бормоқда.
Изоҳ (0)