«Нахчивон—Ислом маданиятининг пойтахти» тадбиридаги иштироки доирасида Озарбайжонда бўлиб турган Ўзбекистон маданият вазири Бахтиёр Сайфуллаев бир неча учрашувларни ўтказди. Бу ҳақда вазир Facebook’даги саҳифасида маълум қилди.
Жумладан, Озарбайжон маданият вазири Абулфаз Гараев билан музокаралар чоғида икки давлат маданият ва санъатини янада ривожлантиришга оид фикрлар алмашилди. Абулфаз Гараев бу йил Шаҳрисабзда бўлиб ўтадиган халқаро мақом анжуманига фахрий меҳмон сифатида таклиф этилди.
Узеир Гаджибеков номидаги Озарбайжон мусиқа академияси ректори Фарҳод Бадалбейли, Озарбайжон миллий консерваторияси ректори Сиявуш Кереми билан ушбу муассасалар ва Ўзбекистон давлат консерваторияси ўртасида икки томонлама ҳамкорлик ва тажриба алмашиш масалалари муҳокама қилинди.
Шунингдек, вазир Озарбайжондаги Халқаро муғом марказида ҳам бўлиб, бу ерда муғом санъатини асраб-авайлашга катта эътибор берилаётганига амин бўлганини билдиради.
Изоҳ (0)