Тошкентда оғир атлетика бўйича ёшлар ўртасидаги жаҳон чемпионати бўлиб ўтмоқда.
Эркаклар ўртасида -62 кг вазн тоифасидаги спортчилар ўртасида баҳсларда олтин медаллар Ўзбекистон терма жамоаси аъзосига насиб этди, деб хабар беради МОҚ матбуот хизмати.
Ёш атлет Адҳамжон Эргашев даст кўтаришда 135 кг, силтаб кўтаришда эса 160 кг тошни ўзига бўйсундира олди. Умумий ҳисобда 295 кг тош кўтарган Эргашев ҳар уччала йўналишда ҳам олтин медалга эга чиқди.
Қайд этиш лозим, Адҳамжон ўз вақтида ўсмирлар ўртасида жаҳон чемпиони, 2017 йили катталар ўртасида ўтказилган жаҳон чемпионатида эса бронза медали соҳибига айланганди.
Изоҳ (0)