Уругвай терма жамоаси ҳамда «Сампдория» клуби ярим ҳимоячиси Лукас Торрейра Лондоннинг «Арсенал» жамоаси билан шартнома имзолади. Бу ҳақда лондонликларнинг Twitter’даги расмий саҳифасида хабар берилди.
Лукас «Арсенал» сафида 11-рақам остида тўп суради. 22 ёшли футболчининг трансфери ҳақида маълумотлар эълон қилинмаган. Аммо Британия ОАВларига кўра, «канонирлар» Торрейра учун 30 миллион евро сарфлаган.
Якунига етган мавсумда Лукас «Сампдория» сафида 36 та ўйинда қатнашиб, 4 та гол урди ва 1 та голли узатмани амалга оширган. Футболчи Уругвай терма жамоаси билан эса ЖЧ—2018 ¼ финалига қадар етиб борди.
Маълумот учун «Арсенал» Арсен Венгер ўрнига Унаи Эмери олиб келингач, жамоа сафига Штефан Лихтштайнер, Сократис Папастатопулос, Бернд Лено каби ўйинчилар қўшиб олинди. Торрейра эса «Арсенал»нинг янги мавсум учун тўртинчи хариди бўлди.
Изоҳ (0)