Россия президенти Владимир Путин билан учрашувга Дональд Трамп билан биргаликда борадиган делегация аъзолари рўйхати эълон қилинди. Бу ҳақда Politico’га таяниб, «Газета.ru» хабар бермоқда.
Оқ уйнинг коммуникациялар бўйича директори Билл Шайн, миллий хавфсизлик бўйича маслаҳатчи Жон Болтон, матбуот котиби Сара Сандерс ва Оқ уйнинг бошқа вакиллари Трампга ҳамроҳлик қилади. Шунингдек, АҚШ биринчи хоними Мелания Трамп ва унинг матбуот-котиби Стефани Гришам ҳам делегация таркибида учрашувга боради.
АҚШ президентининг қизи Иванка Трамп ва унинг турмуш ўртоғи Жаред Кушнернинг сафарда иштирок этмаслиги хабар қилинган.
Эслатиб ўтамиз, Трамп ва Путин 16 июль куни Хельсинкида учрашади.
Изоҳ (0)