Rossiya prezidenti Vladimir Putin bilan uchrashuvga Donald Tramp bilan birgalikda boradigan delegatsiya a’zolari ro‘yxati e’lon qilindi. Bu haqda Politico’ga tayanib, “Gazeta.ru” xabar bermoqda.
Oq uyning kommunikatsiyalar bo‘yicha direktori Bill Shayn, milliy xavfsizlik bo‘yicha maslahatchi Jon Bolton, matbuot kotibi Sara Sanders va Oq uyning boshqa vakillari Trampga hamrohlik qiladi. Shuningdek, AQSh birinchi xonimi Melaniya Tramp va uning matbuot-kotibi Stefani Grisham ham delegatsiya tarkibida uchrashuvga boradi.
AQSh prezidentining qizi Ivanka Tramp va uning turmush o‘rtog‘i Jared Kushnerning safarda ishtirok etmasligi xabar qilingan.
Eslatib o‘tamiz, Tramp va Putin 16-iyul kuni Xelsinkida uchrashadi.
Izoh (0)