7 июль, шанба куни Афғонистон жанубида «ички ҳужум» натижасида АҚШ қуролли кучларининг бир ҳарбий хизматчиси ҳалок бўлди, икки нафари яраланди, деб ёзади «РИА Новости» НАТОнинг «Қатъий кўмак» миссияси пресс-релизига таяниб.
Аҳволи барқарор деб баҳоланаётган ярадор ҳарбийларга айни пайтда тиббий ёрдам кўрсатилмоқда. Ушбу иш бўйича текширув бошланди. АҚШ мудофаа вазирлиги сиёсатига мувофиқ, ҳарбий хизматчининг исм-шарифи унинг яқин қариндошлари хабардор қилинганидан кейин бир кеча-кундуз ўтмагунича, ошкор қилиниши мумкин эмас.
2014 йилда НАТО мамлакатлари жанговар контингенти Афғонистондан чиқариб кетилган эди, ва 2015 йил 1 январдан жанговар операция ўрнига, «Қатъий кўмак» ножанговар операцияси ишга туширилди.
Изоҳ (0)