Давлат тест маркази олий таълим муассасаларида қабул қилинган ҳужжатлар (аризалар) тўғрисида маълумотларни кузатиб боришни йўлга қўйди.
Эндиликда олий таълим муассасаси ва танланган таълим йўналишига қанча ариза топширилганлиги ҳақидаги маълумотлар билан мунтазам танишиб бориш мумкин.
Бунинг учун марказ сайтининг бош саҳифасидан «Абитуриент — 2018» бўлимига кирилади ёки мазкур ҳавола орқали ҳудудни ва рўйхатдаги олий таълим муассасасини танланади.
Шундан сўнг олий таълим муассасаси ва таълим йўналишлари кесимида қабул режаси ҳамда қабул қилинган аризалар сони тўғрисида маълумотлар тақдим этилади.
Изоҳ (0)