Франциядаги Сен Мартен-ла-Плен ҳайвонот боғидан қочиб кетган валлаби кенгуруси орадан икки ой ўтибгина топилди. Бу ҳақда «РИА Новости» хабар бермоқда.
Хабар беришларича, кенгуру «тўсиқдаги тешикдан фойдаланиб», 5 май куни ҳайвонот боғидан қочиб кетган. Уни 29 июнь куни Лион яқинидаги спорт майдончасидан топишган — маҳаллий аҳоли жониворни тутиш учун дарҳол жандармлар ва ҳайвонот боғи ходимларини чақирган.
Боғ ходими Ромен Каёнинг сўзларига кўра, кенгуру ўзини яхши ҳис қиляпти. «У менга бироз қақрагандек кўринди, лекин йилнинг бу фаслида у ейиш учун етарли миқдорда майса топа олган бўлса керак. Душанба куни уни ветеринар кўздан кечиради», — деди у.
Каёнинг қўшимча қилишича, ҳайвонот боғидан қочиб кетган бўлса-да, бу кенгуру маҳаллий аҳолига ҳеч бир хавф солмаган. «Унинг ўзидан бошқа ҳеч кимга хавф бўлмаган — уни, масалан, машина уриб кетиши мумкин эди», — дея қайд этди боғ ходими.
Қайд этишларича, ҳайвонот боғида қочоқ валлабидан ташқари яна 22 та кенгуру бор эди.
Изоҳ (0)