Дубай ҳукмдори Шайх Муҳаммад бин Рашид ал-Мақтум суриялик оилага берган ёрдами ва олийжаноб хатти-ҳаракати учун божхона ходими Салим Абдулла бин Набхон ал-Бадвавийни тақдирлади ва унвонини кўтарди. Ходим Хатта назорат-ўтказиш пунктида оилага ёрдам берган. Бу ҳақда UAE Inside хабар берди.
Хабар берилишича, суриялик оила Рамазон ҳайитининг биринчи куни Уммон пойтахти Маскат шаҳрига кетаётганда уларнинг машинаси бузилиб қолган. Божхона ходими эса эвакуатор ёки такси чақириб, оилага ёрдам беришга уринган. Воқеа байрамнинг биринчи куни эрталаб юз бергани учун ҳеч ким қўнғироқларга жавоб бермаган.
Навбатчи ходим ал-Бадвавий эса оила Уммондаги манзилига етиб олиши учун ўз машинасини таклиф қилган.
Оила ўз сафарини тугатгач, божхона ходими уларни Дубайга олиб бориб қўйган ва бузилган машинани тузатиш учун уста чақирган.
Изоҳ (0)