Россиянинг Кемерово вилоятидаги «динозаврлар қишлоғи»да улкан суякнинг бир қисми топилди

Москва ва Кемерово вилояти олимларининг экспедиция отряди улкан ўлчамли динозар суякларининг бир қисмини топди. Бу ҳақда «РИА Новости» хабар берди.

Таъкидланишича, суяк улкан ўтхўр зауроподга тегишли, бироқ олимлар суяк улкан йиртқич динозавр скелетининг бир қисми бўлишини ҳам истисно қилмаяпти.

Олимлар суяк топилган ҳудудда улкан йиртқич динозаврлар яшаганлигини ва улар пситтакозавр каби ўтхўр динозаврларни овлаганини тахмин қилмоқда. Бу турдаги суяклар мазкур «динозаврлар қишлоғи» очилган 1953 йилдан буён биринчи марта топилган.