Хитойнинг бешта провинциясида қушларга ўхшаш дронлардан фойдаланиш бошланди, улар ҳарбий ташкилотлар томонидан яратилган. South China Morning Post томонидан хабар берилишича, шу тариқа ҳукумат маҳаллий аҳоли устидан кучайтирилган кузатув ўрнатишни хоҳламоқда, деб ёзади TJournal.
Сиане сиёсий университети томонидан яратилган ҳукумат дастури «Кабутар» номини олган. Университетнинг аэронавтика бўлими қушсимон дронлар яратилганини тасдиқлаган. Муассаса ходимлари томонидан қўшимча қилинишича, бундай қурилмалар фуқаро авиациясида қўлланишда истиқболли саналади.
Оддий дронлардан фарқли равишда «кабутарлар» қушлар қаноти ҳаракатини тақлид қилади, шунингдек, парвоз баландлигини танлайди ва ҳавода кескин шўнғишни амалга ошира олади. Дастур иштирокчиларидан бирининг сўзларига кўра, қурилмаларнинг янги авлоди одам кўзидан ва ҳарбий радарлардан яширина олади. Улар ҳақиқий қушлар каби минимум даражада шовқин чиқаради ҳамда камера, GPS-датчик ва йўлдош алоқаси билан жиҳозланган.
Изоҳ (0)