Apple компанияси Apple News янгиликлар дастурида АҚШ Конгрессига сайловлар ҳақидаги янгиликлар бўлимини ишга туширгани ҳақида маълум қилди. Бу бўлимга текширилган нашрларнинг фақат «фактларга асосланган» янгиликлари жойлаштирилади. Бу ҳақда TJournal хабар берди.
Янгиликлардан ташқари, Midterm Elections бўлимида бу нашрлар муаллифларининг долзарб мавзулар ҳақидаги фикрлари жой олади. Алоҳида тугма остида бирлаштириладиган бўлимда фойдаланувчиларга улар обуна бўлмаган нашрлардан мақолалар таклиф қилинади.
Apple News бош муҳаррири Лорен Керн томонидан маълум қилинишича, шу тариқа хизмат «маҳаллий бошловчи» бўлишга ва ўқувчиларга номзодлар ва улар муҳокама қилаётган масалаларни тушунишга ёрдам бермоқчи.
Apple News вакилининг қайд этишича, янги бўлим жорий йилнинг ноябрь ойигача, яъни Конгресс сайловларигача ўз ишини давом эттиради.
Изоҳ (0)