Xitoyning beshta provinsiyasida qushlarga o‘xshash dronlardan foydalanish boshlandi, ular harbiy tashkilotlar tomonidan yaratilgan. South China Morning Post tomonidan xabar berilishicha, shu tariqa hukumat mahalliy aholi ustidan kuchaytirilgan kuzatuv o‘rnatishni xohlamoqda, deb yozadi TJournal.
Siane siyosiy universiteti tomonidan yaratilgan hukumat dasturi “Kabutar” nomini olgan. Universitetning aeronavtika bo‘limi qushsimon dronlar yaratilganini tasdiqlagan. Muassasa xodimlari tomonidan qo‘shimcha qilinishicha, bunday qurilmalar fuqaro aviatsiyasida qo‘llanishda istiqbolli sanaladi.
Oddiy dronlardan farqli ravishda “kabutarlar” qushlar qanoti harakatini taqlid qiladi, shuningdek, parvoz balandligini tanlaydi va havoda keskin sho‘ng‘ishni amalga oshira oladi. Dastur ishtirokchilaridan birining so‘zlariga ko‘ra, qurilmalarning yangi avlodi odam ko‘zidan va harbiy radarlardan yashirina oladi. Ular haqiqiy qushlar kabi minimum darajada shovqin chiqaradi hamda kamera, GPS-datchik va yo‘ldosh aloqasi bilan jihozlangan.
Izoh (0)