Ўзбекистон халқ рассоми, Ўзбекистон Бадиий академияси аъзоси, Ўзбекистон Давлат мукофоти лауреати Баҳодир Жалоловнинг Қўқон шаҳридаги деворий суратига шикаст етказишди, деб хабар беради Sputnik.
Рассом Facebook’даги саҳифасида маълум қилишича, реставраторлар ярим яланғоч тасвирларни кийинтириб, уларга кўйлаклар чизган. Юзларининг пастки қисмини ҳам пардалар билан тўсган.
Хабар берилишича, вилоят ҳокими ўринбосари фрескаларни ислом меъёрларига мувофиқ реставрация қилиб, яланғоч натуранинг устидан бўяшни буюрган.
Дастлаб рассомнинг ўзига мурожаат қилиб, фрескаларни реставрация қилишни сўрашган. Аммо у бўёқ ва бошқа материаллар, шунингдек, яшаш учун шароит яратиб беришни сўраганидан кейин театр раҳбарияти билан алоқа узилган, реставрацияни эса номаълум «уста» бажарган.
Баҳодир Жалолов нашрга маълум қилишича, яқин орада Маданият вазири ўринбосари билан бирга Қўқонга бориб, вазиятга ойдинлик киритмоқчи.
Изоҳ (0)