Наманган шаҳридаги автомобилларга газ тўлдириш шохобчасида портлаш содир бўлди

Наманган шаҳридаги «Дўстлик» шоҳкўчасида жойлашган «Лазаф голд сервис» МЧЖга қарашли автомобилларга газ тўлдириш шохобчасида портлаш содир бўлди. Бу ҳақда ИИВ жамоатчилик ва ОАВ билан алоқалар бошқармаси хабар берди.

«Оромгоҳ» МФЙда яшовчи Ш.Ҳ. ўзининг «ВАЗ-21063» русумли машинасига газ тўлдираётганида автомобилга ўрнатилган газ баллони ёрилиб кетди.

Ҳодиса оқибатида машина буткул яроқсиз ҳолга келди. Қурбонлар ва жароҳат олганлар бўлмади.