Қашқадарё вилоятининг Чироқчи туманида 24 июнь куни Самарқанд вилояти, Пастдарғом туманида яшаган Ф.Н. «ВАЗ-2101» русумли машинасини Мирзатуп қишлоғида ҳайдаб кетаётиб, шу ердан оқиб ўтувчи «Эски Анҳор» каналига тушиб кетди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Ҳодиса оқибатида ҳайдовчи Ф.Н. ва унинг турмуш ўртоғи Г.Х. ҳамда Мирзатуп қишлоғида яшаган Л.Х. исм-шарифли аёл воқеа жойида ҳалок бўлди.
Яна бир йўловчи — Л.Х.нинг турмуш ўртоғи С.Х. автомобиль эшикларини очиб, сувдан чиқиб олди.
Ҳозирда мазкур ҳолат юзасидан суриштирув ишлари олиб борилмоқда.
Изоҳ (0)