Бугун, 24 июнь санасида футбол бўйича Россия майдонларида бўлиб ўтаётган Жаҳон Чемпионатининг 2-тур ўйинлари якунига етади. Кун тақвимидан 3 та ўйин ўрин олганди.
Куннинг дастлабки ўйини «G» гуруҳи фаворитларидан бири Англия ҳамда 1-тур ўйинида Бельгияга йирик ҳисобда мағлуб бўлга Панама ўртасида кечди.
Учрашувда ҳисоб 8-дақиқадаёқ очилди. Жон Стоунз Киран Триппиернинг узатмасини Панама дарвозасига жойлаб қўйди. 22-дақиқага келиб ўйин бош ҳаками мисрлик Геҳад Гриша панамаликлар дарвозасига пенальти белгилади. Уни эса Ҳарри Кейн аниқ амалга оширди. 36-дақиқада эса Жесси Лингард даҳшатли зарба билан ҳисобни йирик, 3:0 кўринишига келтирди. Орадан 4 дақиқа ўтиб, марказий ҳимоячи бўлган Жон Стоунз инглизларнинг ажойиб комбинациясини гол билан якунлади. Биринчи бўлимга қўшиб берилган дақиқада эса ҳакам яна бир бор Панама дарвозасига пенальти белгилади. Ҳарри Кейн бу сафар ҳам нуқтадан адашмади.
Жамоалар шу 5:0 ҳисобида танаффусга йўл олди.
Иккинчи бўлимнинг 62-дақиқасида Ҳарри Кейн яна битта гол уриб, хет-трикка эришди. 78-дақиқага келиб, Панама ўзининг Жаҳон Чемпионатидаги илк голини киритди. Захирадан майдонга тушган Фелипе Балой ўз номини таблога ёзиб қўйди.
Англия шу тариқа 2-турда ҳам ғалаба қозониб, очколарини 6 тага етказиб олди.
3-тур бошланмасдан туриб «G» гуруҳида Англия ва Бельгия термаларида 6 очкодан мавжуд, Панама ва Тунисда эса очко йўқ. Бундай ҳолатда Англия ва Бельгия муддатидан аввал плей-оффга чиққанини кўриш мумкин.
Жаҳон Чемпионати
«G» гуруҳи, 2-тур беллашуви
24 июнь, якшанба
Англия—Панама 6:1
Голлар: 1:0 – 8 Стоунз, 2:0 – 22, пенальти Кейн, 3:0 – 36 Лингард, 4:0 – 40 Стоунз, 5:0 – 45, пенальти Кейн, 6:0 – 62 Кейн, 6:1 – 78 Балой.Англия: Пикфорд, Уокер, Стоунз, Янг, Магуайр, Лингард (Делф, 63), Лофтус-Чик, Стерлинг, Ҳендерсон, Триппер (Роуз, 70), Кейн (Варди, 63).
Панама: Пенедо, Торрес, Дэвис, Мурило, Эскобар, Купер, Гомес (Балой, 69), Годой (Авила, 63), Барсенас (Арроё, 69), Родригес, Перес.
Огоҳлантиршлар: Купер (10), Лофтус-Чик (23), Эскобар (45), Мурило (72).
Изоҳ (0)