Бугун,

  • USD 11014.01
  • RUB 191.8
  • EUR 10674.78

Фарғонада водийдаги олий таълим муассасалари ҳамкорлигида «Ёшлар инновация маркази» ташкил этилмоқда. Бу ҳақда «Дарё»га Инновация вазирлиги матбуот хизмати маълум қилди.

Фото: Инновация вазирлиги матбуот хизмати

Фото: Инновация вазирлиги матбуот хизмати

Инновацион ривожланиш вазирлиги ташаббуси билан очилаётган марказ иқтидорли ёшларни ўз инновацион ғояларини амалга ошириш, илмий-тадқиқот ва инновация фаолиятини ривожлантиришга замин бўлади.

Фото: Инновация вазирлиги матбуот хизмати

Фото: Инновация вазирлиги матбуот хизмати

Инновацион марказ ёшларга халқаро ва маҳаллий илмий-техник ахборот базалари, хорижий ва миллий даврий илмий нашрлардан фойдаланиш имконини бериш баробарида креатив фикрлашни ривожлантириш ва инновация тадбиркорлигини шакллантириш, шунингдек, замонавий юқори технологик лойиҳаларни ишлаб чиқиш ва жорий этишга хизмат қилади.

Марказ ёрдамида маҳаллий маҳсулотларни ички ва жаҳон бозорларига йўналтириш имконини берувчи инновацион механизмлар ишлаб чиқилади ва ёшларни илмий-тадқиқот ишларига жалб этилади.

Фото: Инновация вазирлиги матбуот хизмати

Фото: Инновация вазирлиги матбуот хизмати

Ишлаб чиқилган дастурий маҳсулотларга муаллифлик гувоҳномаларини расмийлаштириш, оммалаштириш ва тижоратлаштириш жараёнларида кўмаклашиш ҳамда маҳаллий ва хорижий мутахассислар иштирокида онлайн илмий мулоқотлар, маҳорат дарслари, семинар-тренинглар ва малака ошириш курсларини ўтказиш, долзарб мавзуларда илмий-техник йўналишдаги танловлар ташкил этиш кабилар ҳам назарда тутилган.

Фото: Инновация вазирлиги матбуот хизмати

Фото: Инновация вазирлиги матбуот хизмати

Ёшлар инновацион марказ очилишига ўзлари бош-қош. Марказнинг фаолиятини қандай бўлиши, нима ишлар қилиши лозимлигини режалаштириб қўйиш баробарида унинг биноси ва атрофдаги ҳудуднинг бўлажак кўринишини лойиҳалаб, суратларга тушириб қўйган. Уларнинг фаоллиги, ғайрат ва шижоатини кузатган Инновация вазирлиги масъуллари фарғоналик ёшларга ишонч билан марказ фаолияти учун зарур қонун ҳужжатларини тайёрламоқда.

Фото: Инновация вазирлиги матбуот хизмати

Фото: Инновация вазирлиги матбуот хизмати

Марказ фаолиятини ривожлантириш дастурида Европа давлатлари, Япония, Жанубий Корея, Хитой, Россия ва бошқа ривожланган давлатлардаги ўхшаш марказлар фаолияти чуқур ўрганилиб, уларнинг илғор тажрибаси инобатга олинади.

Изоҳ
Асосий янгиликлар