Палеонтологлар биринчи марта қадимий панданинг ДНКсини «тирилтирди»
Олимлар биринчи марта ёши 20 минг йилга тенг бўлган қолдиқлардан қадимий панданинг ДНКси бўлакларини ажратиб олди. Маълум бўлишича, яқин ўтмишда Хитой жанубида тўлиқ қирилиб кетган пандаларнинг яна бир тури яшаган, деб ёзмоқда «РИА Новости».
Бу панданинг ДНКси у замонавий панданинг яқин, бироқ тўғридан-тўғри бўлмаган қариндоши эканлигини кўрсатган. Бу панда замонавийларнинг аждоди бўлмаган ва ўз тарихи билан алоҳида тур ҳисобланмаган.
Катта пандалар фақат ўсмликлар билан озиқланадиган айиқсимонларнинг ягона вакили ҳисобланади. Панда яшаши учун кунига 30 килограмм бамбук истеъмол қилиши керак, бу уни тинимсиз овқатланишга мажбур қилади.
Улар ҳайвонот дунёсининг асосий «юлдузларидан» бири ҳисобланса ҳам, олимлар пандаларнинг аждодлари қаерда ва қчон яшагани ва айнан қандай қилиб улар тўлиқ ўсмлик билан озиқланишга ўтгани ҳақида деярли ҳеч нарса билмайди.
Яқинда палеонтологлар қадимий «бамбук айиқлар» Осиёда эмас, балки Европада яшаганини аниқлаган, Венгрияда уларнинг қолдиқлари топилган. Бу олимларни яна бир марта қандай қилиб пандалар Хитойга келиб қолгани ва нима учун улар дунёнинг бошқа минтақаларида қирилиб кетгани ҳақида ўйлашга мажбур қилган.
Хитойлик олимлар мамлакатнинг жануби-шарқидаги ғордан топилган панда қолдиқларининг тиш ва жағларидаги қадимий ДНК қолдиқларини аниқлаган. Бу қолдиқлар ғор тубидаги тупроққа тахминан 22 минг йил аввал тушган.
Янги турнинг очилиши бу айиқларнинг пайдо бўлиш вақтини аниқлашга имкон берган. Ҳисоб-китобларга кўра, улар 12—10 миллион йил аввал пайдо бўлган, бу эса барча пандаларнинг венгриялик «бобоси» ёши билан тўғри келади.
