Ўзбекистон Республикаси Президентининг 2018 йил 12 апрелдаги «Давлат хизматларини кўрсатиш тизимини жадал ривожлантириш бўйича қўшимча чора-тадбирлар тўғрисида» қарорига мувофиқ Тошкент вилояти, Чирчиқ шаҳрида вилоят ички ишлар бошқармаси йўл ҳаракати хавфсизлиги бошқармаси ходимлари билан ҳамкорликда Давлат хизматлари маркази ташкил этилди, деб Тошкент вилояти ИИБ «Дарё»га хабар берди.
Тошкент вилояти ички ишлар бошқармаси йўл ҳаракати хавфсизлиги бошқармаси матбуот хизматининг маълумотига кўра, мазкур марказда фуқароларга енгиллик ва қулайликлар яратиш мақсадида амалдаги ҳайдовчилик гувоҳномаларининг янги намунадаги миллий ҳайдовчилик гувоҳномасига алмаштириб бериш хизмати фаолияти йўлга қўйилди.
Маълумот учун, эски намунадаги ҳайдовчилик гувоҳномасини янги намунадаги ҳайдовчилик гувоҳномасига алмаштириб бериш учун ҳайдовчилардан
- фуқаролик паспорти;
- эски намунадаги ҳайдовчилик гувоҳномаси ва огоҳлантириш талони;
-энг кам иш ҳаққининг 70 фоиз тўлови ҳақидаги квитансия талаб қилинади.
Изоҳ (0)