Мудофаа вазирлиги Тошкент шаҳри маҳаллаларида тадбирлар ташкил этмоқда

Ўзбекистон мудофаа вазирлиги томонидан Тошкент шаҳрининг Мирзо Улуғбек тумани маҳаллаларида бир қатор тадбирлар ўтказилмоқда. Бу ҳақдаб вазирлик матбуот хизмати «Дарё»га маълум қилди.

Вазирлар Маҳкамасининг қарори билан тасдиқланган Ёшларни ҳарбий ватанпарварлик руҳида тарбиялаш концепцияси доирасида наъмуна сифатида Тошкентнинг Мирзо Улуғбек туманидаги 54 та маҳалла фуқаролар йиғинида Ички ишлар вазирлиги ҳамда давлат ва жамоат ташкилотлари вакиллари билан ҳамкорликда ўтказилиши кўзда тутилган профилактик тадбирлар, ёзувчи, шоир, ҳарбий спортчилар билан давра суҳбатлари, акциялар, концерт дастурлари, маъданий-маърифий, китобхонлик кечалари, муҳтож оилаларга кўмак кўрсатиб, тарбияси оғир ёшлар билан суҳбатлар ўтказиши кўзда тутилган.

Жумладан, «Фаробий», «Югнакий», «Ҳамид Олимжон», «Подшобоғ». «Асака» ҳамда бошқа маҳалла фуқаролари йиғинларида Мудофаа вазирлиги марказий аппарати офицерлари подполковниклар Акмал Бозоров, Зуфар Турғунов, Файзулло Нурманов, майорлар Аброр Тешабоев, Баҳодир Эшмуродов аҳоли билан бадиий-адабий кечалар, сайёр учрашувлар ўтказди. Бу каби амалий ишлар маҳаллаларда давом этмоқда.