Шу йил кузида Лондондаги Британия музейида очиладиган янги залга «Ал-Бухорий» номи берилади. Бу ҳақда Маданият вазири Бахтиёр Сайфуллаевнинг музей «Ислом маданияти» департаменти раҳбари Ладан Акбарния бошчилигидаги делегация билан учрашуви вақтида маълум қилинди, дея хабар беради «Халқ сўзи».
Музей вакиллари ушбу галереяда 1000 та қадимий буюм ва ашёларни намойиш этишни режалаштиришмоқда. Бунда Маданият вазирлиги томонидан ҳам амалий ёрдам берилиши кўзда тутилган.
Вазирлик қошидаги «Маданият ва санъатни ривожлантириш фонди» томонидан ташкил этилган ушбу учрашувда музейда Ўзбекистоннинг бой маданий мероси кўргазмасини ташкил этиш масаласи борасида ҳам фикр алмашилди.
Англия делегацияси ўзбекистонлик мутахассисларни Британия музейида 6 ҳафталик ўқув курсларида малака оширишни таклиф қилди.
Изоҳ (0)