Тошкентда «Ислом маданияти равнақ топган юрт» номли кўргазма иш бошлади. Бу ҳақда «Халқ сўзи» хабар бермоқда.
Маданият вазирлиги, Бадиий Академия, Дин ишлари бўйича қўмита, «Ҳунарманд» уюшмаси ва қатор ташкилотлар ҳамкорлигида ташкил этилган кўргазмада Ҳабибулло Солиҳ, Ислом Маматов, Фарҳод Аҳмаджонов, Хайрулла Лутфуллаевнинг ҳаттотлик, Абдураҳим Мўминовнинг ёғоч ўймакорлиги, Аваз Улуғбековнинг пичоқчилик, Ўринбой Ибрагимовнинг миллий қўғирчоқбозлик, Камолиддин Абдуллаевнинг наққошлик санъати ишлари намойиш этилмоқда.
Тадбир доирасида асрлар давомида шаклланиб, ривож топган миллий ҳунармандчилик маҳсулотлари, ислом дини билан уйғунликда шаклланган анъаналар намойиш этилади.
Шунингдек, кўргазмада ташриф буюрувчилар миллий ҳунармандчилик тарихи, ислом динининг миллий маданият ва санъатга таъсири ҳақида атрофлича маълумот олиши мумкин. Кўргазма 12 июнга қадар давом этади.
Изоҳ (0)