Исроилда кўр аёл кўзига ўзининг тиш тўқимасини ўрнатишди, тез орада у кўра бошлади

Исроиллик шифокорлар кўзи ожиз беморнинг кўзига ўз тишининг бир бўлагини кўчириб ўтказиб, унинг кўриш қобилиятини тиклади, деб ёзади Tengrinews.

Аёл кўз мугуз пардасининг оғир касалланиши туфайли кўрмай қолган. Мутахассислар унга инновацион кўчириб ўтказиш усулини таклиф қилганида, у таваккал қилишга қарор қилган.

Ушбу процедура бир нечта босқичдан иборат бўлиб, дастлаб беморнинг соғлом тишини суғуриб олишади. Ундан туйнукчали пластина тайёрлашади ва у ерга сунъий мугуз пардасини ўрнатишади. Шундан сўнг конструкция одам териси остига 2—4 ойга ўрнатилади. Иккинчи босқичда комплекс беморнинг кўзига имплантация қилинади.

Тиш тўқимасидан фойдаланишнинг афзаллиги шундаки, организм «тишли мугуз парда»ни ножинс жисм деб ўйламайди ва уни қабул қилади.

Операциядан кейин бемор тез орада кўра бошлади.