Япония ташқи ишлар вазири Таро Коно Жануби-Шарқий Осиё давлатлари ассоциацияси мамлакатлари форумида Шимолий Корея ТИВ раҳбари Ли Ён Хо билан учрашишни режалаштиряпти. Бу ҳақда, ўз манбаларига асосланиб, The Japan Times хабар бермоқда. «Коммерсантъ»нинг ёзишича, форум август ойида бўлиб ўтади.
Yomimuri нашри маълумотларига кўра, учрашувда КХДР томонидан ўғирлаб кетилган Япония фуқароларини ватанга қайтариш масаласи кўтарилади.
АҚШ президенти Дональд Трамп Шимолий Корея етакчиси Ким Чен Ин билан учрашганидан сўнг, Жануби-Шарқий Осиё мамлакатлари етакчилари КХДР билан муносабатларни яхшилаш, мустаҳкамлашга киришди. Хусусан, ОАВ хабарларига кўра, Япония бош вазири Синдзо Абе ҳам Ким Чен Ин билан учрашиш ниятида.
Изоҳ (0)