Украина ташқи ишлар вазири Трампнинг Қрим ҳақидаги сўзларига изоҳ берди

Украина ташқи ишлар вазири Павел Климкиннинг маълум қилишича, Дональд Трамп Қримни Россияники деб атамаган. Бу ҳақда «РИА Новости» хабар берди.

Украина ТИВ раҳбарининг сўзларига кўра, Трампнинг сўзлари «контекстдан чиқариб олинган». Климкиннинг таъкидлашича, АҚШ президенти ҳақиқатдан ҳам қримликлар русча гапириши ёки йўқлигини сўраган.

Климкин ОАВлардан Трамп томонидан айтилган гапларни нотўғри талқин қилмасликни сўраган.

Аввалроқ BuzzFeed Трамп Катта еттилик етакчиларига Қрим яриморолида ҳамма русча гапиргани учун у Россияга тегишли эканлигини маълум қилгани ҳақида хабар берган.