Қашқадарё вилоятининг Миришкор туманида 18 май куни ИИБга тушган ҳужжатларга кўра, 2018 йил февраль ойидан май ойигача бўлган вақт оралиғида Янгиариқ маҳалласида яшовчи «Сафар ота» фермер хўжалиги ишчиси, муқаддам судланган И.Ф. фирибгарлик ҳаракатларига қўл урди. Бу ҳақда ИИВ жамоатчилик ва ОАВ билан алоқалар бошқармаси хабар берди.
У Булуч қишлоғида яшовчи Г.С. исмли аёлдан 6 бош қўй ва 1 бош қорамол, Чаманзор қишлоғида яшовчилар И.Ш.дан 25 бош қўй, касб-ҳунар коллежи ўқувчиси Л.К.дан 25 бош қўй, Қ.Х.дан 6 бош қўй ва «Анвар Жовлиевич» фермер хўжалиги ишчиси А.Р.дан 2 бош қўйларини сотиб олишини айтиб, савдолашиб, алдаш йўли билан ишончларига кириб, пулларини бермасдан ўз эҳтиёжлари учун ишлатиб юборади.
Кўрилган чоралар натижасида И.Ф. ушланди.
Изоҳ (0)