Ўзбекистон истеъмолчилар ҳуқуқларини ҳимоя қилиш жамиятлари федерацияси ва унинг туман ва шаҳар жамиятлари томонидан ҳеч бир мурожаат эътиборсиз қолаётгани йўқ. Тизим ходимлари «Истеъмолчилар манфаатлари ҳар нарсадан устун» деган тамойил асосида фаолиятини олиб бормоқда, дея хабар беради ЎзА.
Жорий йил 11 июнь куни Зарафшон шаҳрида яшовчи Феруз Эргашев федерациянинг 1091 қисқа рақамли «Ишонч телефони»га қилган оғзаки мурожаати Навоий шаҳар истеъмолчилар ҳуқуқларини ҳимоя қилиш жамияти томонидан ўрганиб чиқилди.
Мурожаатда фуқаронинг «Навоиявтотеххизмат» корхонасига Nexia-3 учун тўловни тўлиқ амалга оширгани, аммо шартнома муддати тугаган бўлишига қарамасдан ҳанузгача автомашинани ололмаётганлиги қайд этилган.
Жамият ходимларининг аралашуви натижасида 13 июнь куни фуқаронинг мурожаати ижобий ечим топди. Ф.Эргашев қисқа муддатда янги енгил автомобилга эга бўлди.
Изоҳ (0)