Мубашшир Аҳмад: Шайх Муҳаммад Содиқ Муҳаммад Юсуф ҳазратларининг ўрнини ҳеч ким боса олмайди

Журналист Жасур Ҳамроев «Azon.uz» таъсисчиси Мубашшир Аҳмад билан ижтимоий тармоқларда онлайн-интервью уюштирди, деб ёзади «Azon.uz».

Интервью давомида интернет фойдаланувчиалрининг саволларига ҳам жавоб берилди. Хусусан, фойдаланувчилардан бири Мубашшир Аҳмаддан «Ўзбекистонда шайх ҳазратларини ўрнини тўлдирувчи кимни кўрасиз?» деб сўради.

Мубашшир Аҳмад саволга қуйидагича жавоб берди:

«Мен бу саволга ҳам аниқ жавоб беролмайдиган кишиман. Сабаби, шайх ҳазратлари вафот этганларидаям роса баҳс кучайиб кетган. Аллоҳ таоло шайх ҳазратларини раҳмат қилсин. У кишининг ўрнини уммат ҳеч қачон тўлдира олмайди. Бу аниқ нарса. Ўша пайтда роса бахс мунозара кўпайди-ким энди шайх бўлади деган. Мен шу пайт ёзганман. Бу шайх мақоми, айниқса бизнинг шайхимиздек шайх мақоми инсонлар талаб қилиб ёки кимлардир томонидан қўйиладиган мақом эмас. Бу Аллоҳ таоло томонидан бериладиган мақом. Чунки, Аллоҳ таолога тақволари, ихлослари, ибодатлари, яқинликлари, туфайли Аллоҳ таоло берган бир мақом. Уни инсон мен шунақа бўламан деб пул билан ҳам, мансаб билан ҳам бошқа билан ҳам ҳал қилолмайди. Шунинг учун Аллоҳдан сўраймиз, гарчи у кишининг даражасида ҳеч ким бўла олмаса ҳам у кишидан қуйироқ бўладими ёки у кишининг баъзи бир вазифасини адо этадими, ёки жамоавий шаклда бўладими, шунақанги кишилар чиқишлигини Аллоҳ таолодан сўраймиз, умид қиламиз. Балки ўзларини вазифаларини бажариб турган инсонлар бордур ҳам. Аллоҳ таоло уларга тавфиқ берсин деймиз».