Термиз шаҳридаги «Гранд алмаз» тўйхонасида 12-Меҳрибонлик уйида тарбияланган ҳамда кам таъминланган оилаларда вояга етган олти жуфт йигит-қизнинг никоҳ тўйи бўлиб ўтди, деб хабар беради ЎзА.
Термиз шаҳар ҳокимлиги, Ўзбекистон Ёшлар иттифоқи шаҳар кенгаши ва бошқа ҳамкорлар томонидан ташкил этилган тадбирда давлат ва жамоат ташкилотлари вакиллари, нуронийлар, Ёшлар иттифоқи фаоллари, тўйи бўлаётган ёшларнинг яқинлари иштирок этди.
«Муборак Рамазон ойида ўтказилган мазкур никоҳ тўйлари ҳам саховатпеша халқимизга хос ана шундай эзгу амалларнинг ёрқин ифодаси бўлди. Серфайз ва ихчам дастурхон атрофида ўтказилган тадбирда нуроний отахон ва онахонлар ёшларга ибратли оила барпо этиб, муқаддас қўрғонни асраб-авайлаш йўлида бахт тилади. Янги оилалар соҳибу соҳибаларига Термиз шаҳар фуқаролик ҳолати далолатномаларини ёзиш бўлимининг никоҳ гувоҳномаси, ташкилотчиларнинг қимматбаҳо совғалари тантанали топширилди. Термиз шаҳар бандликка кўмаклашиш маркази томонидан ишга жойлаштирилди», — дейилади хабарда.
Санъаткорлар ижросидаги куй-қўшиқлар барчага бир олам қувонч улашди.
Изоҳ (0)