Корея Республикаси президенти Мун Чжэ Ин КХДР ва АҚШ етакчиларининг бугун, 12 июнь куни Сингапурда бўлиб ўтаётган саммитини кутиб, туни бўйи ухламаган. Бу ҳақда Жанубий Корея раҳбари Сеулдаги қароргоҳида ёрдамчилари билан учрашувда айтиб ўтди, деб ёзади «ТАСС» интернет-трансляцияга таяниб.
«Бутун халқимизнинг диққати ҳозир Сингапурдаги воқеаларга қаратилган деб ўйлайман. Мен ҳам тунни уйқусиз ўтказдим», — деди Мун Чжэ Ин. У телевидение орқали саммитнинг тўғридан-тўғри трансляциясини кўриш учун мажлислардан бирини бекор қилганини қўшиб қўйди.
«Юртдошларим билан бирга чин дилдан умид қиламанки, учрашув муваффақиятли ўтиб, тўлиқ ядросизланиш, тинчлик ҳамда Жанубий Корея, Шимолий Корея ва АҚШ ўртасидаги алоқаларнинг янги даврини бошлаб беради», — деди президент.
У яқин келажакда Жануб, Шимол ва АҚШ ўртасида уч томонлама саммит ўтказилиши, у 1953 йилда вақтинчалик сулҳ билан якунланган Корея урушига расман нуқта қўйишига умид билдирди.
Изоҳ (0)