Рио—2016 Олимпиадаси чемпиони Ҳасанбой Дўстматов Қозоғистоннинг Остона шаҳрида ўтказилган «Президент кубоги» мусобақасидаги мағлубиятини тўйи билан боғлади. Бу ҳақда МОҚ матбуот хизмати хабар берди.
Мусобақа биз учун оғир ўтди. Чунки тўй сабаб тайёргарликларга ҳам вақт бўлмади (кулади). Қачондир бундай ҳолатга тушишимиз лозим эди. Бу ҳозир юз бергани яхши бўлди. Негаки Осиё ўйинларигача қийинчиликка учрашим керак эди. Сўнгги жангимни қишда ўтказгандим. Ҳиндистонлик рақибга қарши жангдагидек ҳолатга Осиё ўйинларида тушганимда яхши бўлмасди. Мусобақа давомида Осиё ўйинларидаги бўлажак рақибларим имкониятини ҳам ўргандик.Маълумот учун боксчи жорий йилнинг 29 март санасида бўйдоқлик билан хайрлашган эди.Осиё ўйинларига тайёргарлик жараёнидан кўнглимиз тўлди. Айтиб ўтганимдек, ортда қолган мусобақаларда рақибларимизни яхши ўрганиб олдик. Энди навбатдаги жанглар осонроқ бўлади. Тайёргарлик яхши кечмоқда. Яқинда Таиланддаги турнирда ҳам қатнашамиз, сўнгра Осиё ўйинларига жўнаб кетамиз. Насиб қилса, Жакартада Риодагидан ҳам яхшироқ натижа кўрсатамиз.
Ҳасанбой Дўсматов, боксчи
Изоҳ (0)