Халқаро олимлар гуруҳи Украинанинг баъзи ҳудудларида сутнинг радиоактивлиги йўл қўйиладиган даражадан беш марта юқори эканлигини аниқлади. Бу ҳақда Англиянинг Эксетер университети пресс-релизида айтилади, деб ёзади EurekAlert. Сут маҳсулотлари намуналари олинган хусусий фермалар Чернобиль атом электр станциясидан тахминан 200 км масофада жойлашган.
Тадқиқотчилар Украина шимоли-ғарбидаги Ровненский вилоятининг 14 та қишлоғида сигир сутини таҳлил қилиб кўрган. Маълум бўлишича, олтита қишлоқда радиоактив цезий даражаси катталар учун хавфсиз даража (бир литрга 100 беккерел)дан, саккизта қишлоқда эса болалар учун хавфсиз даража (бир литрга 40 беккерел)дан ошади.
Ҳалокатдан жабр кўрган ҳудудларда тупроқнинг радиоактив элементлар билан ифлосланиш даражаси унчалик юқори бўлмаса-да, цезий озиқ-овқат маҳсулотларида тўпланишда давом этмоқда, организмга, айниқса, болалар организмига сурункали таъсир эса ҳар қандай органлар тизими учун жиддий хавф туғдиради.
Олимлар таъкидлашича, хавфни камайтириш учун оддий чоралар кўриш мумкин, масалан, ем-хашакка ферроцин қўшилса, у ошқозон-ичак йўлига тушган цезийни «боғлаб қўяди» ва унинг қонга тушишига йўл қўймайди.
Изоҳ (0)