Жанубий Кореяда ишлаш учун имтиҳон топшириб, тест синовларидан муваффақиятли ўтган фуқаролардан ҳужжатларини тақдим қилишлари сўралади. Бу ҳақда Ташқи меҳнат миграцияси масалалари агентлиги хабар бермоқда.
Жанубий Кореянинг бандликка рухсат бериш тизими бўйича шу йил 5—16- мартдаги корейс тили тест синовларидан ва 29 апрелдан 2 майгача бўлиб ўтган малака(скилл) тестларида қатнашиб, муваффақиятли ўтган ҳамда меҳнат шартномасига мувофиқ Жанубий Кореяда ишлаб келганлар учун 4—21 май кунлари бўлиб ўтган тест синовларидан муваффақиятли ўтган фуқаролар агентлик минтақавий бюроларига тегишли ҳужжатларни тақдим қилишлари лозим.
Ҳужжатлар 2018 йилнинг 11,12,13 июнь кунлари қабул қилинади.
Номзодлардан 2 дона сифатли рангли паспорт нусхаси. Паспортнинг амал қилиш муддати 1 йилдан кам бўлмаслиги лозим (01.06.2019), 2 дона 3,5х4,5 ўлчамдаги фотосурат, 086 шаклдаги тиббий маълумотнома ҳамда зарурият туғилганда номзод билан боғланиш учун қўшимча имконият сифатида унга яқин бўлган инсон тўғрисида маълумот (исм-шарифи ва телефон рақами) талаб қилинади.
Кеч қолган ёки келмаган номзодлар шахсан ўзлари Ташқи меҳнат миграцияси агентлигига юқорида кўрсатилган ҳужжатлар билан келишлари керак бўлади.
Ҳужжатлар тўпламини йиғиш ва қабул қилиш бепул амалга оширилади. Пул талаб қилган шахс тўғрисида бевосита агентликка 0 (371) 200-00-61 телефон рақами орқали маълум қилиш сўралган.
Изоҳ (0)