Pepsi Суперлигаси клубларига қўйилган талабларга кўра 12 та клубнинг ҳар бирида алоҳида аёллар жамоаси, футзал жамоаси, ёшлар жамоаси ва U18 жамоаси бўлиши шарт.
ПФЛ матбуот хизматининг ёзишича, Суперлига клублари мавсум аввалида юқоридаги ишларни бажариш кафолатини берган. Шунга қарамай, айрим жамоалар футзалчиларга ёки энг кичик ёш жамоаларга эътиборни сусайтириб юборган. Бу борада ПФЛга шикоятлар келиб тушмоқда.
Шунга кўра Профессионал футбол лигаси Суперлига клубларини расман огоҳлантирди. Қайд этилишича, шакли жиҳатидан бошқа-бошқа бўлишига қарамай, аёллар футболи ва футзал жамоалари ҳам клубнинг тенг ҳуқуқли аъзоси ва шу қоида кимнингдир ёдидан кўтарилган бўлса, ўша жамоа жазога тортилади.
ПФЛ ўз навбатида Про-Лига клублари ҳам ҳозирданоқ бу каби талаблар ҳақида бош қотириши шартлигини, бу талабларга жавоб бера олмайдиган клублар эса Суперлигага қўйилмайслигини таъкидлаган.
Изоҳ (0)