Pepsi Superligasi klublariga qo‘yilgan talablarga ko‘ra 12 ta klubning har birida alohida ayollar jamoasi, futzal jamoasi, yoshlar jamoasi va U18 jamoasi bo‘lishi shart.
PFL matbuot xizmatining yozishicha, Superliga klublari mavsum avvalida yuqoridagi ishlarni bajarish kafolatini bergan. Shunga qaramay, ayrim jamoalar futzalchilarga yoki eng kichik yosh jamoalarga e’tiborni susaytirib yuborgan. Bu borada PFLga shikoyatlar kelib tushmoqda.
Shunga ko‘ra Professional futbol ligasi Superliga klublarini rasman ogohlantirdi. Qayd etilishicha, shakli jihatidan boshqa-boshqa bo‘lishiga qaramay, ayollar futboli va futzal jamoalari ham klubning teng huquqli a’zosi va shu qoida kimningdir yodidan ko‘tarilgan bo‘lsa, o‘sha jamoa jazoga tortiladi.
PFL o‘z navbatida Pro-Liga klublari ham hozirdanoq bu kabi talablar haqida bosh qotirishi shartligini, bu talablarga javob bera olmaydigan klublar esa Superligaga qo‘yilmaysligini ta’kidlagan.
Izoh (0)