АҚШ кам қувватга эга ядро қуроллари учун талабларни белгилаб, уни яратишни режалаштиришга киришди. Бу ҳақда Пенгатон матбуот котиби Мишель Балданза Warrior Maven нашрига маълум қилди.
«Ядровий қурол кенгаши йиғилиш ўтказди ва ишлаб чиқариш борасидаги режа лойиҳасини мақуллади. Кенгаш Миллий ядровий хавфсизлик бошқармасига тегишли ҳажм, график ва харажатларни ҳисоблаб чиқишга киришишга рухсат берди», — дейди АҚШ Мудофаа вазирлиги вакили.
Америка олимлари федерацияси Ядро қуроллари ахборот лойиҳаси директори Ганс Кристенсен янги ядровий каллаклар лойиҳаси ҳақида батафсил маълумот берди.
Унинг сўзларига кўра, W76-2 ичидан термоядровий ёқилғиси олиб ташланган (уран, литий ва дейтарий) термоядровий каллаклар асосида яратилади. Натижада янги каллакда W76-1’дан фарқли ўлароқ фақатгина плутонийли триггер қолади. Шунингдек, янги қуролнинг энергия сарфи 100 дан 5—6 килотонна тротил эквивалентига қадар пасайтирилади.
Изоҳ (0)