Avtotest’нинг ҳайдовчилар малакасини ошириш бўйича алоҳида ҳуқуқи тугади

1 июндан бошлаб юридик шахслар ҳайдовчилари малакасини ошириш билан нодавлат таълим муассасалари ва зарур лицензияга эга бошқа компаниялар ҳам шуғулланиши мумкин, деб ёзади Spot.

Бу Вазирлар Маҳкамасининг 2018 йил февралидаги «Автотранспорт воситалари ҳайдовчиларини тайёрлаш, қайта тайёрлаш ва малакасини ошириш тизимини такомиллаштириш бўйича чора-тадбирлар тўғрисида»ги қарорида кўзда тутилган эди.

Ушбу ҳужжатга мувофиқ, 1 июнга қадар юридик шахслар ҳайдовчилари малакасини ошириш билан шуғулланиш бўйича алоҳида ҳуқуқ Avtotest Report МЧЖда ва устав фондидаги акцияларининг камида 51 фоизи Avtotest Report МЧЖга тегишли бўлган ташкилотларда қолган эди.

Малака ошириш билан бу компаниядан ташқари, «Ватанпарвар», «Тошшаҳартрансхизмат», «Транскасб» ва Автомотоҳаваскорлар кўнгилли жамияти шуғулланиб келар эди.