Санкт-Петербург давлат университети тарихчилари Валуа сулоласи асосчиси Франциск I буюртмасига асосан чизилган машҳур портретлар сериясида ким тасвирланганини аниқлади. Бу ҳақда «РИА Новости» хабар берди.
Тарихчиларнинг маълум қилишича, кўплаб антик арбоблар рассомларга ўз тасвирларини чизишни буюртма қилиб, тарихда из қолдиришни хоҳлаган. Шу мақсадда қўлёзма китоб ҳам яратилган.
Франциск I буюртмасига асосан яратилган қўлёзмадан 39 та портрет жой олган бўлиб, ундаги қаламда чизилган портретлар машҳур тасвирий санъат мактаби усталарига мансуб. XIX асрдан бошлаб санъатшунослар портретларда айнан ким тасвирланганини билишга уринган.
Ўрта аср Франциясида атоқли отлар бошқача ёзилгани сабабли олимлар суратларда айнан ким тасвирланганини аниқлашга қийналган. Россиялик тарихчилар эса нафақат қаҳрамоннинг юзи ва имзосига, балки унинг кийими, суратдаги қоғоз тури ва тузилишига қараб уларда ким тасвирланганини аниқлашга муваффақ бўлган.
Изоҳ (0)