«Ўзбекконцерт» давлат муассасасида санъаткорларнинг тўй-маросимларда иштирок этиши масалаларига бағишланган йиғилиш бўлиб ўтди. «Ёшлар» телеканалининг «Давр» информацион дастури хабарига кўра, тадбирда дабдабали тўй-маросимларни чеклаш ишлари доирасида битта тўйда нечта хонанда қатнашиши мумкинлиги масаласи ҳам муҳокама қилинган.
Йиғилишдан сўнг «Давр»га интервью берган хонанда Дилсўз (Гўзал Жуманиёзова) ижод учун жуда катта маблағ сарфланишини айтиб, даромад манбаси фақат тўй эканини тан олган.
Биз ёш санъаткорлар ижод қилишимиз учун, қўшиқни ёздириш, клип олдириш, ротация қилиш учун, кийимимиздан тортиб соч турмагимизгача жуда катта маблағ сарфланади. Биз санъаткорлар бу мақсадлар учун маблағни қаердан топамиз? Албатта, фақат тўй орқали топилади.Қайд этиш жоиз, йиғилишда Ўзбекистон халқ артисти Насиба Абдуллаева «битта тўйда фақат бир санъаткор қатнашсин» деган қоида амалга кирадиган бўлса, санъаткорлар ишсиз қолишидан огоҳлантирган. Ўзбекистон маданият вазири биринчи ўринбосари Озодбек Назарбеков эса санъаткорларнинг тўйлардаги иштироки қисқартириладиган бўлса, уларнинг муаллифлик ҳуқуқи ортидан даромад олиш имкониятларини ошириш кераклиги ҳақида гапирган.Дилсўз, хонанда
Изоҳ (0)